Қытайдың Циндао қаласында “Аспан пойызы” деген атауға ие болған ең жылдам әуе пойызы сынақтан өткізіле бастады.

Бұл туралы CGTN телеарнасы хабарлайды.

Алдағы уақытта CRRC Qingdao Sifang қытайлық компаниясы ұйымдастырып отырған жаңа пойыз үлкен қалалар мен таулы аймақтарда ерекше танымалдылыққа ие болады деп күтілуде.

Инженерлердің сөзінше, кішкентай рельсті жолда тұрақты магниттермен жабдықталған элекроқозғалтқыштардың жаңа технологиясы қолданылады. Олар өзге транспорт түрлеріне қарағанда ерекше артықшылық сыйламақ: қуаттылығы жоғары, шағын физикалық көлем, шудың төмен деңгейі және жеңіл салмақ.

Пойыз кіші рельспен жерден 5-10 метр биіктікте жүреді. Оның құрамы 5 вагоннан тұрады және 510 жолаушы сыйғыза алады. Орташа жылдамдығы сағатына 70 шақырым.